接客的學問（一）

當時所有人都帶住口罩，為咗等佢容易啲認出我，我就話俾佢聽，我今日着住白色T恤同牛仔褲。約定嘅時間已經夠鐘，但仲未見到佢嘅蹤影。呢個時候我收到佢嘅電話： 「喂，你到咗未啊？你着白色T恤架？我今日着住綠色背心，白色短褲。我睇錯咗時間，而家行緊過嚟⋯⋯就到啦。」 佢一輪嘴講完之後就收線，我周圍望，睇下有冇一個似佢既人，但我好似見唔到佢，不如你幫我搵吓？ 。 。 。 我準備再打俾佢嘅時候，電話又響： 「你係咪戴綠色CAP帽架？」 「係呀，聽唔到，你電話收得好差。」 「我着住綠色背心，白色短褲。行緊過嚟啦，過馬路就到啦⋯⋯ 」 綠色背心？白色短褲？你見唔見到呢個人？如果你唔肯定係佢，可以試吓用眼神同佢互動，或者低調咁同佢揮吓手。搵到佢嘅話，就行埋去同佢打聲招呼，記得問佢係唔係蔡生。 。 。 。 如果你仲係搵唔到，可以暫停聽錄音，問工作人員攞個電話打俾佢，打完電話可以撳開下一個Audio接客的學問（二）。