憂傷的嫖客

Details

你依家行到去發行大廈未呀？到咗嘅話請你停低觀察2分鐘。 你睇到啲咩啊？ 時間回帶去到2010年頭，我啱啱中五畢業後，去咗表哥公司做地產仔，都係喺尖沙咀。返工嘅第一星期，就俾一班同事押咗去發利大廈，他們話「青頭仔做唔到大deal」，逼我去按鐘仔搵姐仔。嗰次係我第一次同女人做，亦都肯定咗我係唔鍾意閪。 我地唔好阻住人搵姐仔嗱，你可以聽住我講故事，繼續散步。 後來，我發現幾乎所有地產仔都去嫖嘅需要，受咗客人氣，俾老細追數，同行家爭執完，都會想有人安慰。我也不例外，只是我不再跟大隊去夜總會。我話我喜歡高鐘酒店妹妹，少啲襟兄弟，佢哋就會放人。我就可以一個人偷偷哋去MM Spa，阿偉就喺MM Spa嘅老闆。 我係喺男同志網站gayhk搵到MM Spa，佢哋嘅賣點係黑黑實實嘅仔仔，好似我細個係九龍公園游泳池遇到嘅哥哥。我變咗佢哋嘅常客，同老闆阿偉開始愈來愈熟，有時候啲仔仔忙緊唔得閒，阿偉都會親自下場幫熟客推油。雖然阿偉不是我嘅理想型，但係他嘅按摩同推油係我遇過最舒服嘅。 （餘下錄音稿請見留言）